Што е осигурено?
Се осигуруваат депозитите во денари и девизни средства, вклучувајќи ја и каматата, на физичките лица кои се чуваат во банките, филијалите на странски банки и штедилниците во Република Северна Македонија.
Осигурени депозити
Фондот за осигурување на депозити ги осигурува следните видови на депозити:
1. Трансакциските сметки;
2. Денарските и девизните депозити (штедни книшки);
3. Сертификатите за депозити;
4. Депозитите врзани за парични картички и
5. Девизните приливи на физичките лица.
Депозити кои не се осигурени
1. Депозити со привилегирани каматни услови, различни од оние кои се објавени во банката, филијалата на странска банка или штедилницата;
2. Депозити на сопственици со над 5% од акциите со право на управување со банката, филијалата на странска банка или штедилницата;
3. Депозити на членови на органите на управување на банката, филијалата на странска банка или штедилницата;
4. Депозити на роднини од прв степен на лицата наведени во претходните точки 2 и 3; и
5. Депозити кои се поврзани со трансакции со кои се вршело перење пари, доколку прекршителот е осуден и казната е во сила.