Слика
20.05.2025
Nga data 29 deri më 30 prill 2025, Fondi Norvegjez i Sigurimit të Depozitave (Norwegian DGS/ Bankenes Sikringsfond) ishte nikoqir në takimin dy-ditor të Komitetit të BE-së të Forumit Evropian të Siguruesve të Depozitave (EFDI), i cili u zhvillua në Oslo të Norvegjisë.
Fondi i Sigurimit të Depozitave, me përfaqësuesit e tij, mori pjesë në këtë aktivitet të rëndësishëm.
Eventi u hap nga Stig Helberg, Drejtor Ekzekutiv i Fondit Norvegjez të Sigurimit të Depozitave.
Në këtë aktivitet u prezantuan aktivitete mbi bashkëpunimin ndërkufitar, mbrojtjen e të dhënave, menaxhimin e krizave bankare, si dhe u ndanë përvoja praktike nga shtetet anëtare të BE-së. Gjatë këtij takimi, u zhvilluan diskutime dhe u ngritën çështje që duhen diskutuar në takimet e ardhshme të grupit të punës.
Ky aktivitet përfaqësoi një mundësi të shkëlqyer për shkëmbim profesional të përvojave, si dhe për forcimin e bashkëpunimit ndërkombëtar midis Fondit të Sigurimit të Depozitave dhe institucioneve të ngjashme në të gjithë Evropën.
Слика
Слика
Слика
Слика
