Si u.d. Drejtor i Fondit të Sigurimit të Depozitave, angazhimi dhe puna ime janë gjithmonë të fokusuara në arritjen dhe mirëmbajtjen e qëllimeve të institucionit

Si u.d. Drejtor i Fondit të Sigurimit të Depozitave, angazhimi dhe puna ime janë gjithmonë të fokusuara në arritjen dhe mirëmbajtjen e qëllimeve të institucionit, që janë mbrojtja e depozitave të qytetarëve  dhe forcimi i kapacitetit financiar të Fondit , duke rritur kështu besimin e qytetarëve në sistemin bankar dhe financiar .

Gjatë kësaj periudhe, kemi realizuar aktivitete të rëndësishme për të përmbushur detyrat tona, por edhe për të promovuar edukimin financiar .

Disa nga arritjet kryesore të muajve të fundit janë:

• Takim dypalësh me Drejtorin e Agjencisë së Sigurimit të Depozitave të Shqipërisë, z. Genci Mamani, në Vlorë, Shqipëri , për thellimin e bashkëpunimit rajonal dhe shkëmbimin e praktikave më të mira.
• Pjesëmarrje në punëtori  për Menaxhimin e Rreziqeve dhe Marrëdhëniet me Publikun me përfaqësues nga 20 vende anëtare të Forumit Evropian të Siguruesve të Depozitave, në Vlorë, Shqipëri.
• Takime të vazhdueshme  me përfaqësues të Bankës Botërore  për përgatitjen e një zgjidhjeje të re ligjore për mbrojtjen e depozitave dhe reformën e sistemit të sigurimit të depozitave, në përputhje me Parimet Themelore të IADI dhe Direktivën e BE-së për Garancinë e Depozitave.
• Pjesëmarrje në Konferencën e Dhjetë Ndërkombëtare të Bankës Popullore : Pavarësia e bankave qendrore në Europën Juglindore, si mjet për të përballuar inflacionin  pa recesion dhe kriza financiare .
• Takim me Shoqatën Bankare të Maqedonisë  për forcimin e bashkëpunimit me sektorin bankar dhe zgjidhjen e nevojave të depozituesve.
• Aktivitet për të shënuar Ditën Botërore të Kursimeve, më 31.10.2024 , në bashkëpunim me Shoqatën Bankare të Maqedonisë.
• Pjesëmarrje në gara sportive  të organizuara nga SFOM – Sindikata e Organizatave Financiare të Maqedonisë, për të promovuar shëndetin dhe kulturën e kursimeve .
• Intervistë me Radio Shkupi  për Ditën Botërore të Kursimeve, ku theksova rëndësinë e edukimit financiar  dhe kursimit në shoqërinë tonë.
• Video edukative  për Fondin, për të rritur transparencën  dhe për të informuar qytetarët mbi rolin dhe funksionimin e Fondit.
• Hulumtim mbi opinionin publik  për Fondin, për të kuptuar më mirë mendimin e qytetarëve dhe nevojën për promovimin e rolit të Fondit.
• Nënshkrimi i Memorandumeve të Bashkëpunimit  me Universitetin AUE-FON  dhe Universitetin “Shën Kirili dhe Metodi” për krijimin e mundësive për studentët dhe zhvillimin e projekteve kërkimore.
• Organizimi i një aktiviteti  me temë “Mbështetje e sigurt për një të ardhme të sigurt”, për edukimin financiar të studentëve nga fakultetet ekonomike të disa universiteteve në vend.
• Për herë të parë që nga krijimi i institucionit, hapëm procedurën për anëtarësim të plotë në IADI  – Shoqata Botërore e Siguruesve të Depozitave.
• Organizimi i aktiviteteve edukative  për studentët e fakulteteve ekonomike, duke promovuar edukimin financiar dhe aftësitë për menaxhimin e financave personale .
• Publikimi i një artikulli  në buletinin elektronik të Shoqatës Bankare të Maqedonisë për të prezantuar trendet globale  dhe sfidat në sigurimin e depozitave.

Ne vazhdojmë me përkushtim maksimal  për mbrojtjen e depozituesve dhe rritjen e besimit në sistemin financiar!