Fondi për Sigurimin e Depozitave dhe Shoqata e Bankave të Maqedonisë shënuan Ditën Botërore të Kursimit

Më 31 tetor 2025, Fondi për Sigurimin e Depozitave, në bashkëpunim me Shoqatën e Bankave të Maqedonisë, festoi tradicionalisht Ditën Botërore të Kursimit - një ditë që i kujton publikut rëndësinë e kursimeve dhe besimit në sistemin financiar.

Eventi, në të cilin morën pjesë përfaqësues nga sektori financiar dhe bankar, institucionet, komuniteti i biznesit dhe mediumet, u mbajt në Mercedes Lounge Bar në Shkup.

Të pranishmit i përshëndetën  Dr. Maja Stevkova-Shterieva, Kryetare e Shoqatës së Bankave të Maqedonisë, Mr. Gordana Dimitrieska-Koçoska, Ministre e Financave në Qeverinë e Republikës së Maqedonisë së Veriut, Dr. Trajko Slaveski, Guvernator i Bankës Popullore të Republikës së Maqedonisë së Veriut dhe dr. Kralja Chesmadjiska, përfaqësuese e Fondit për Sigurimin e Depozitave, në emër të z. Behar Emini, drejtor i Fondit për Sigurimin e Depozitave.

Në fjalimet e tyre, folësit theksuan rëndësinë e kursimeve si parakusht për stabilitetin dhe zhvillimin financiar, si dhe rolin kyç të Fondit të Sigurimit të Depozitave në mbrojtjen e kreditorëve dhe ruajtjen e stabilitetit të sistemit bankar.

Aktiviteti përfundoi me një koktej dhe shoqërim të të pranishmëve në një atmosferë të këndshme.

Me këtë festë tradicionale, Fondi për Sigurimin e  Depozitave dhe Shoqata Bankare e Maqedonisë konfirmuan edhe një herë misionin e tyre të përbashkët - promovimin e kursimeve, njohurive financiare dhe stabilitetin e sistemit bankar në Republikën e Maqedonisë së Veriut.