Годишнa конференција на Центарот за советување за финансискиот сектор на Светската банка (Financial Sector Advisory center - FinSAC)

30.05.2025

На 27 и 28 Мај 2025 во Виена се одржа годишната конференција на Центарот за советување за финансискиот сектор на Светската банка (Financial Sector Advisory center - FinSAC) на која учествуваше и Директорот на Фондот за осигурување на депозити Бехар Емини.

На конференцијата, под наслов „Финансиска стабилност во време на геополитички турбуленции“, присуствуваа високи претставници од финансиски регулатори, централни банки и меѓународни институции од земјите од Европска Унија. Преку панели, технички сесии и студии на случај, се дискутираа прашања поврзани со прекуграничната соработка за супервизија, дигитализација на финансискиот сектор, климатски ризици и управување со финансиски кризи.

Директорот на Фондот оствари бројни средби за вмрежување со релевантни институции, размена на искуства и следење на најновите трендови во зајакнување на отпорноста и стабилноста на финансискиот систем.