Фондот за осигурување на депозити и Македонската банкарска асоцијација денес зедно го прославија Светскиот ден на штедењето

Во организација на Македонската банкарска асоцијација и Фондот за осигурување на депозити денес во Скопје се одржа свечена прослава по повод Светскиот ден на штедењето, 31.10.2019 година.

Настанот го отвори Претседателката на МБА, д-р Маја Стевкова-Штериева, која истакна дека македонските банки и штедилници многу одговорно и совесно ги чуваат средствата на штедачите. Тие прудентно кредитираат и се грижат за интересите на своите клиенти. Граѓаните претпочитаат да штедат во банкарски депозити како резултат на довербата во банкарскиот систем. Исто така, таа се осврна и на важноста и потребата од финансиска едукација на младите кои се иднината на нашата земја.