Запознај го Фондот за осигурување на депозити

Во рамките на низата промотивни активности кои Фондот за осигурување на депозити ги остварува со цел запознавање на јавноста со функциите кои ги извршува, а во соработка со Македонската банкарска асоцијација, на 4.12.2019 година се одржа настанот „Запознај го Фондот за осигурување на депозити“, во просториите на „Јавна соба“, кој беше најменет за посебна категорија учесници - студентите од нашите универзитети.

Присутните ги поздрави директорот на Фондот, г-ин Борче Хаџиев, а потоа беше организирана кратка едукативна програма, проследена со работилница и презентација на Фондот.

На крај, се одржа и електронски квиз преку електронската платформа Kahut, а за најдобрите учесници во квизот имаше и посебни награди.

Учесниците изразија големо задоволство што присуствувале на ваков едукативен и интересен настан.